Манай үйлчилгээнүүд

Мүүрийнхэн бид бизнес эрхлэх бодит орчныг ойлгодог. Монгол Улсын татвар болон нягтлан бодох бүртгэлийн хууль, дүрэм, зохицуулалтыг практикт хэрэгжүүлэх, тайлагналын болон нийцлийн шаардлагыг хангах нь байгууллагуудад хүндрэлтэй, цаг хугацаа шаардсан ажил болдгийг бид мэднэ. Мөн бизнесүүд хязгаарлагдмал нөөцөөр богино хугацаанд үр дүн гаргахын зэрэгцээ үндсэн үйл ажиллагаандаа төвлөрөх шаардлагатай байдгийг бид ойлгодог.

Бид олон төрлийн салбарын бизнес эрхлэгчид, хөрөнгө оруулагчид болон байгууллагуудад эдгээр сорилтуудыг даван туулахад нь тусалж ирсэн туршлагатай. Иймээс бид таны бизнесийн үйл ажиллагааг дэмжих, эрсдэлийг бууруулах, тайлагналын чанарыг сайжруулахад чиглэсэн бодитой, практик санхүүгийн шийдлүүдийг санал болгодог.

Манай үйлчилгээ нь татвар болон нягтлан бодох бүртгэлийн үйл ажиллагааг хууль, стандартын шаардлагад нийцүүлэн үр ашигтай зохион байгуулахад чиглэдэг бөгөөд ингэснээр та тайлагнал, нийцлийн асуудалд санаа зовохгүйгээр өөрийн үндсэн бизнес, стратегийн зорилгодоо төвлөрөх боломжтой болно.

Мүүрийн зөвлөхүүд үндэстэн дамнасан групп компаниуд болон харилцан хамааралтай этгээдүүдтэй ажилладаг бизнесүүдэд Монгол Улсын үнэ шилжилтийн зохицуулалт болон олон улсын татварын шаардлагад нийцсэн мэргэжлийн үйлчилгээ үзүүлдэг.
Үнэ шилжилт нь хил дамнасан болон харилцан хамааралтай талуудын ажил гүйлгээтэй холбоотойгоор бизнесүүдийн анхаарах хамгийн чухал татварын асуудлуудын нэг болоод байна. Монгол Улс болон олон улсын хэмжээнд үнэ шилжилтийн тайлагнал, баримтжуулалт, нийцлийн шаардлагууд тогтмол хөгжиж, илүү нарийсаж байгаа энэ үед байгууллагууд үнэ шилжилтийн эрсдэлээ зөв удирдах шаардлагатай болж байна.
Манай мэргэжилтнүүд байгууллагын үйл ажиллагааны онцлог, салбарын практик болон группийн бүтцэд нийцсэн үнэ шилжилтийн бодлого боловсруулах, тайлагнал бэлтгэх болон эрсдэлийг бууруулахад практик, бодитой дэмжлэг үзүүлдэг.

Мүүрь Монгол нь байгууллагын засаглал, эрсдэлийн удирдлага, дотоод хяналт болон технологийн орчныг сайжруулахад чиглэсэн мэргэжлийн үйлчилгээг үзүүлдэг. Бид байгууллагын үйл ажиллагааны онцлог, салбарын шаардлага болон стратегийн зорилгод нийцсэн практик, тогтвортой шийдлүүдийг боловсруулан хэрэгжүүлэхэд дэмжлэг үзүүлдэг.

Манай үйлчилгээ нь дотоод хяналтын тогтолцоог бэхжүүлэх, бизнесийн үйл явцыг сайжруулах, хууль, зохицуулалтын нийцлийг хангах, хариуцлагын тогтолцоог нэмэгдүүлэх болон үйл ажиллагааг сайжруулах боломжуудыг тодорхойлоход чиглэдэг. Салбарын туршлага, эрсдэлд суурилсан аргачлал болон бизнесийн практик ойлголтыг хослуулан бид байгууллагуудад илүү үр ашигтай, найдвартай удирдлагын орчныг бүрдүүлэхэд дэмжлэг үзүүлдэг.