Улсын сектор ба төрийн бус байгууллага

Улсын сектор

Сүүлийн жилүүдэд төрийн байгууллагууд төсвийн сахилга бат, төрийн бүтээмж, ил тод байдал болон хариуцлагыг нэмэгдүүлэхтэй холбоотой өсөн нэмэгдэж буй шаардлагуудтай нүүр тулж байна. Түүнчлэн хууль, зохицуулалтын орчны өөрчлөлт, цахим шилжилт, мэдээллийн хүртээмжтэй байдал болон олон нийтийн хяналтын өсөлт нь төрийн байгууллагуудад засаглал, дотоод хяналт, эрсдэлийн удирдлага болон тайлагналын тогтолцоогоо улам бэхжүүлэх хэрэгцээг бий болгож байна. Төрийн байгууллагууд нь хязгаарлагдмал төсөв, нөөцийн хүрээнд үйлчилгээний чанар, хүртээмжийг сайжруулах, хууль, журмын нийцлийг хангах, төсвийн хөрөнгийг үр ашигтай, ил тод зарцуулах зэрэг олон талт сорилтуудыг даван туулах шаардлагатай болж байна.

Манай фирм нь Төрийн Аудитын Байгууллагын захиалгаар төрийн байгууллагуудад аудит, баталгаажуулалтын үйлчилгээ үзүүлж ирсэн арвин туршлагатай.

Төрийн бус байгууллагын салбар

Төрийн бус байгууллагууд болон олон улсын байгууллагуудын санхүүжилттэй төсөл, хөтөлбөр хэрэгжүүлэгч байгууллагуудын хувьд санхүүжилтийн эх үүсвэрийн тогтвортой байдал, донор байгууллагуудын өсөн нэмэгдэж буй тайлагнал, нийцлийн шаардлага, ил тод байдал, БОНЗ (ESG) болон нийгмийн нөлөөллийн хүлээлт зэрэг асуудлууд улам чухал болж байна. Түүнчлэн төсөл, хөтөлбөрийн нөөцийг үр ашигтай зарцуулах, оролцогч талуудын итгэлийг хадгалах, дотоод хяналт болон засаглалын тогтолцоог бэхжүүлэх шаардлага өсөн нэмэгдэж байна.

Манай фирм нь төрийн бус байгууллагуудад аудит, баталгаажуулах үйлчилгээ, НББ болон татварын зөвлөх үйлчилгээ, санхүүгийн болон нийцлийн зөвлөгөө үзүүлж ирсэн туршлагатай. Бид байгууллагуудад ил тод байдал, тайлагнал болон хяналтын орчноо сайжруулах, донор болон зохицуулагч байгууллагын шаардлагыг хангах, эрсдэлийг үр ашигтай удирдах болон нийгмийн өмнө хүлээсэн зорилгоо амжилттай хэрэгжүүлэхэд нь практик, үнэ цэнтэй дэмжлэг үзүүлэхийг зорьдог.