Мүүрь Монгол нь Мүүрь Глобаль олон улсын сүлжээний Монгол дахь гишүүн фирм бөгөөд аудит, баталгаажуулалт, татвар, нягтлан бодох бүртгэл, засаглал, эрсдэлийн удирдлага болон зөвлөх үйлчилгээний чиглэлээр үйл ажиллагаа явуулдаг мэргэжлийн үйлчилгээний байгууллага юм.

Мүүрь Глобал нь дэлхийн 110 гаруй улсад үйл ажиллагаа явуулдаг, олон улсын тэргүүлэх мэргэжлийн үйлчилгээний сүлжээнүүдийн нэг бөгөөд дэлхий даяар мянга мянган байгууллагад аудит, татвар болон зөвлөх үйлчилгээ үзүүлдэг. Мүүрь Монгол нь энэхүү олон улсын сүлжээний аргачлал, чанарын стандарт, мэргэжлийн туршлагыг Монголын бизнесийн орчин болон үйлчлүүлэгчдийн хэрэгцээтэй хослуулан хүргэдэг.

Мүүрь Аудит ХХК нь 2008 онд байгуулагдсан бөгөөд 2016 онд Мүүрь Глобал сүлжээнд корреспондент фирмээр нэгдэж, 2019 онд албан ёсны гишүүн фирм болсон. Бид Монгол Улсын Сангийн яамнаас олгосон аудитын үйл ажиллагаа эрхлэх тусгай зөвшөөрлийн хүрээнд үйл ажиллагаа явуулдаг бөгөөд Санхүүгийн зохицуулах хороонд үнэт цаасны болон даатгалын зах зээлийн оролцогч байгууллагуудад аудитын үйлчилгээ үзүүлэх эрхээ бүртгүүлсэн.

Бид үйлчилгээний чанар, үйлчлүүлэгчдэдээ хүргэх үнэ цэнийг тууштай эрхэмлэн, мэргэжлийн ёс зүй, хараат бус байдлыг ямагт чанд сахин ажиллаж ирсэн нь манай хамт олны хамгийн том бахархал билээ. Манай баг олон улсын стандарт, аргачлалын дагуу өндөр чанартай үйлчилгээ үзүүлэхийг эрхэмлэдэг бөгөөд ямар ч нөхцөлд мэргэжлийн үнэт зүйл, шударга байдал, хараат бус байдлаа хадгалан ажиллахыг чухалчилдаг. Энэ нь биднийг Монголын зах зээлд найдвартай, шударга, чанартай үйлчилгээ үзүүлдэг мэргэжлийн фирмийн нэр хүндийг бий болгоход чухал нөлөө үзүүлсэн.