Moore Stephens International Limited олон улсын сүлжээ фирмийн Хятад дахь гишүүн болох Dahua CPA фирмийн 30-н жилийн ойн арга хэмжээ, бүх Хятадын партнеруудын жилийн чуулганд ОД БҮРТГЭЛ АУДИТ ХХК-ийн удирдлагууд Dahua CPA-ийн Ерөнхий Партнер ноён Liang Chun-ний урилгаар оролцлоо. Уг чуулганд Moore Stephens International сүлжээний Австрали, Бельги, Кипр, Герман болон бусад улсын гишүүн байгууллагуудын зочид төлөөлөгчид мөн оролцсон юм. Ойн арга хэмжээ 2015 оны 11 сарын 20-22-ны өдрүүдэд БНХАУ-ын Шенжин хотноо зохион байгуулагдлаа. Чуулганы хүрээнд Moore Stephens International сүлжээний Австрали, Бельги, Кипр, болон Герман улсын уригдан ирсэн төлөөлөгчид илтгэл тавьж олон улсын бизнес хамтын ажиллагааны талаар хэлэлцлээ. Мөн БНХАУ-ын алдарт эдийн засагч Xunlei-Li макро эдийн засгийн хөгжлийн талаар сонирхолтой илтгэл тавьсан юм.